د «ښځو لپاره د ښځو پوډکاسټ» په دې برخه کې زموږ مېلمنه، ظریفه غفاري ده.

هغه د افغانستان د میدان وردګو ولایت اوسېدونکې، د ښځو د حقونو فعاله، سیاستواله او د ځوان نسل له اغېزناکو ښځینه څېرو څخه شمېرل کېږي.هغې د ښځو د حقونو، د هغوی د ټولنیز او سیاسي ګډون او د برابر فرصتونو لپاره اوږده مبارزه کړې ده.

ظریفه غفاري په ځوان عمر کې د افغانستان د لومړنیو ښځینه ښاروالانو له ډلې څخه وه او د خپلو فعالیتونو له امله له ګڼو ستونزو، ګواښونو او ننګونو سره مخ شوې ده.

په نننۍ خپرونه کې به له اغلې ظریفې غفاري سره د هغې د ژوند، زده کړو، سیاسي او ټولنیزو فعالیتونو، د ښاروالۍ د تجربې او هغو ستونزو او ګواښونو په اړه خبرې وکړو چې د خپلې مبارزې په لاره کې ورسره مخ شوې ده.