زموږ د نننۍ خپرونې مېلمنه پلوشه کاکړ ده.نوموړې د افغانستان د ښځو چارو وزارت پخوانۍ مالي او اداري معینه ده او د کلونو راهیسې یې د نجونو د زده‌کړو، د ښځو د حقونو، بشري حقونو او د راستنېدونکو کډوالو د ملاتړ په برخو کې له بېلابېلو ملي او نړیوالو بنسټونو سره کار کړی دی. هغې د طالبانو د لومړۍ واکمنۍ پر مهال هم د نجونو د زده‌کړو لپاره هڅې کړې او نن هم د افغان ښځو او نجونو د حقونو لپاره خپلو فعالیتونو ته دوام ورکوي.په دې خپرونه کې به د اغلې پلوشې کاکړ د ژوند، مسلکي تجربو، د طالبانو د لومړۍ واکمنۍ د خاطرو، د نجونو د زده‌کړو، د ښځو د حقونو او د افغانستان د اوسني وضعیت په اړه خبرې واورئ. همدارنګه به هغه د خپلو فعالیتونو ترڅنګ د هغو افغان ښځو کیسې هم شریکې کړي چې له بېلابېلو ستونزو او ننګونو سره مخ شوې دي.